Kandidati i koalicionit VLEN, për kryetar komune të Gostivarit, Nevzat Bejta, në kuadër të takimeve të vazhdueshme me qytetarët, ka realizuar një takim me banorët e fshatrave Padalisht, Tërnovë dhe Sërmnovë ku ka dëgjuar nga afër shqetësimet, kërkesat dhe nevojat e tyre.
Postimi i plotë:
🇦🇱 Takova sot banorët e fshatrave Padalisht, Tërnovë dhe Sërmnovë. Njerëzit e Malësisë së Gostivarit njihen për bujarinë dhe mikpritjen, ndaj sot së bashku me ta biseduam për kërkesat dhe nevojat që ata i kanë.
Të harruar nga udhëheqësia komunale në këto tetë vitet e fundit, treguan se çdo kërkesë e tyre ka hasur gjithmonë në neglizhencë, teksa i përmendën shumë projekte që i kam bërë unë në këto fshatra gjatë kohës sa isha kryetar komune.
Premtova se vëmendja dhe investimet do të rikthehen sërish edhe në Malësinë e Gostivarit, ashtu siç do të rikthehen edhe në Komunë pas fitores së madhe më 11 janar!
