Përfaqësuesja e futbollit e Maqedonisë do të luajë në plejof për Kampionatin Botëror (KB) që do të mbahet në vitin 2026 në Shtetet e Bashkuara të Amerikës, Kanada, dhe skuadra jonë kombëtare tashmë i ka marrë kundërshtarët e mundshëm nëse siguron vend në fazën e grupeve.
Në gjysmëfinalen e plejofit për KB 2026, Maqedonia luan kundër Danimarkës. Nëse e kalon këtë kundërshtar skandinav, do të përballet me fituesin e ndeshjes mes Irlandës dhe Çekisë. Fituesi i këtij plejofi shkon në Grupin A, ku presin Meksika dhe Afrika e Jugut. Interesante është se në këtë grup nuk ka favorit të madh si gjigantët Gjermania, Spanja apo Brazili.
Ndeshjet e plejofit për Kampionatin Botëror do të zhvillohen në muajin shkurt. Maqedonia në letër konsiderohet autsajdere, por ndër vite ka ditur t’i befasojë favoritët. Në plejofin e kaluar për Botërorin 2022 në Katar, Maqedonia eliminoi Italinë, por në finale humbi nga Portugalia.
Në ndeshjet e plejofit për Mundial, përfaqësuesja e futbollit do të hyjë me selektor të ri, pasi ka skaduar kontrata e Blagoja Milevskit.
