Pas pesë ditësh errësirë, përfundimisht banorëve të Lagjes Seravë, iu kthehet furnizimi me rrymë elektrike. Televizioni ynë vazhdimisht ka qenë në terren dhe ka ndjekur vështirësitë e qytetarëve në të ftohtin e dimrit pa ngrohje amvisërie.
“Mbrëmë ka ardhur rreth orës 22:00, kemi pasur problem se nuk kemi pasur ngrohje, kemi pasur probleme edhe me punën. Është dashur me mbyllë lokalin, harxhimet kanë ecur. Problem kemi pasur vazhdimisht, pesë ditë nuk kemi mundur të funksionojmë fare dhe presim që ditët në vijim mos të kemi problem. Falënderojmë edhe TVM2, që na kanë ndjekur vazhdimisht këtu në rrugë që kemi protestuar.”, – tha një qytetar.
“Po, e paguaj me rregull, 8 mijë den, 10 mijë, 12 mijë.”, – tha një qytetar tjetër.
“Po, na erdhi. Ju falënderoj shumë, së pari komunës, juve mediave, edhe fqinjëve që u bënë dakord të nënshkruajnë për orëmatësit jashtë. Shumë, pesë ditë mos të punohet, rruga për neve është shumë, harxhimet janë të mëdha.”, – u shpreh një qytetar.
“Po, mbrëmë rreth orës 22:00,po besoj se në rregull është.”, – u shpreh një qytetar tjetër.
Nga EVN thonë se pas lëshimit të energjisë elektrike Elektrodistribuimi do të fillojë punimet në Lagjen Seravë të Shkupit.
“Përfaqësuesit e Elektrodistribuimit këto ditë mbajtën takime konstruktive me përfaqësues të Komunës së Çairit, përfaqësues të Ministrisë së Energjetikës, si dhe të MPB-së, ku u përcaktuan hapat konkrete për realizimin e planit për rikonstruimin e rrjetit të tensionit të ulët. Aktivitetet në terren filluan dje me riparimin e defekteve aktuale, ndërsa nga e hëna ekipet e Elektrodistribuimit do të punojnë intensivisht në rikonstruimin e rrjetit distributiv në të gjitha rrugët e kësaj lagjeje.”, thuhet në kumtesën e EVN-së.
Nga EVN po ashtu theksojnë se bashkëpunimi i frytshëm ndërmjet kompanisë dhe institucioneve shtetërore do të sigurojë dërgesë të qëndrueshme të energjisë elektrike në
