Shefi i pezulluar i Prokurorisë së Lartë Publike të Shkupit, Mustafa Hajrullahi, ka dorëzuar kallëzim penal kundër Prokurorit Shtetëror Republikan, Ljupço Kocevskit, Prokurores së Prokurorisë së Shtipit, Tatjana Kacarova, Prokurorit të lartë të Prokurorisë së Shtipit, Risto Bojaxhiski dhe kundër anëtarit të Këshillit të Prokurorëve Publik të RMV-së, Ermon Neziri.
Prokurori i lartë, Mustafa Hajrullahi, thotë se të denoncuarit kanë kryer veprën penale “Keqpërdorimi I detyrës zyrtare dhe autorizimeve” sipas nenit 353 paragrafi 1 lidhur me nenin 22 të Kodit Penal.
Hajrullahi, kallëzimet kundër katër të denoncuarve I ka dorëzuar në Prokurorinë Publike për Ndjekjen e Krimit të Organizuar dhe Korrupsionit.
Sipas Hajrullait, ata që kanë cënuar të drejtat e tij duhet të përgjigjen penalisht, pasi nga kallëzimi penal i Kocevskit, përmes urdhërit të Prokurores së Shtipit, Kacarova për inicimin e hetimeve pa asnjë dëshmi, deri në pezullimin, kanë kaluar vetëm 11 ditë, prej të cilëve 7 të punës, që sipas tij një “ekzekutim” I këtillë efikas është për Libër të Ginesit. /tvklan.mk/
