Zëvendësdrejtori i Doganave, Mustafa Dauti ka reaguar ndaj gënjeshtrave të shpërndara në opinion se gjuha shqipe nuk perfillet në Pikën Kufitare Bllatë.
“Jo, jo – gabim e keni, gjuha shqipe aty është!” – deklaron Dauti, duke theksuar se realiteti në terren flet krejt ndryshe nga ajo që po plasohet në opinion.
Sipas tij, tentativat për të krijuar një narrativë të rreme bien poshtë përballë fakteve konkrete dhe të verifikueshme nga çdo qytetar që kalon në këtë pikë kufitare.
“Qytetarët e shohin vetë realitetin dhe nuk mashtrohen nga shpifje të tilla,” thekson ai.
Dauti shton se fotografia e realizuar sot, më 25.03.2026, dëshmon qartë praninë e gjuhës shqipe dhe përgënjeshtron zërat e pavërtetë.
Në fund, ai rithekson se Vleni dhe kjo qeverisje mbeten të përkushtuar në avancimin e të drejtave të shqiptarëve dhe garantimin e trajtimit të barabartë për të gjithë qytetarët.
