Ministri për Çështje evropiane, Orhan Murtezani së bashku me liderë botërorë në Nju Jork ku po diskuton Asambleja e përgjithshme e KB-së, dërguan porosi se paqa dhe mbrojtja e civilëve është e domosdoshme të mbeten në qendër të përpjekjeve globale.
“Në Platformën e Krimesë, së bashku me presidentin Zelenski dhe shumë liderë botërorë u dërgua porosi e qartë: paqja dhe mbrojtja e civilëve është e domosdoshme të mbeten në qendër të përpjekjeve globale”, thekson Murtezani.
Sipas tij, zgjidhjet afatgjate janë të mundshme vetëm përmes dialogut dhe respektimit të së drejtës ndërkombëtare.
“Me miratimin e Deklaratës së Nju Jorkut edhe një herë konfirmuam përkushtimin tonë ndaj sovranitetit dhe integritetit territorial të Ukrainës”, ka thënë ministri Murtezani.
