Letërnjoftimeve që nuk u ka skaduar afati do të vazhdojnë të vlejnë edhe pas 12 shkurtit 2024. Njoftimi, siç përcjell KlanM, vjen nga MPB-ja.
“MPB-ja si ministri resore kompetente për dhënien e dokumenteve personale njofton se Ligji për letërnjoftime nuk është ndryshuar. Për këtë qëllim i njoftojmë qytetarët e Maqedonisë së Veriut, se LETËRNJOFTIMET me emrin e shtetit “REPUBLIKA E MAQEDONISË” të cilëve nuk u ka skaduar afati, vazhdojnë të VLEJNË edhe pas 12 Shkurtit 2024” – thuhet në komunikatën e MPB-së.
