Tre pengjet e para izraelite drejt familjeve të tyre, reagon Biden: Pas shumë dhimbjesh, armët në Gaza janë ulurJoe Biden ka reaguar pas lirimit të 3 pengjeve të para izraelite nga Hamasi.
Presidenti i SHBA-së në ikje, Joe Biden tha se armët në Gaza janë ulur ndërsa Hamasi dorëzoi tre pengje, të parët nga 33 që do lirohen gjatë fazës së parë të armëpushimit që hyri në fuqi ditën e sotme.
“Marrëveshja që parashtrova për herë të parë majin e vitit të kaluar për Lindjen e Mesme më në fund u realizua. Armëpushimi ka hyrë në fuqi në Gaza dhe sot, ne po shohim pengjet të lirohen, 3 gra izraelite të mbajtura kundër vullnetit të tyre në tunelet e errëta për 470 ditë. Pas kaq shumë dhimbje, shkatërrime, humbje jete, sot, armët në Gaza janë ulur”, tha Biden në një deklaratë për shtyp.
Njerëzit e zhvendosur nga luftimet kanë filluar të kthehen në shtëpitë e tyre, ndërsa kamionët e ndihmave kanë filluar të futen në Gaza.
