Nga MPB konfirmojnë se një automjet ka dalë nga rruga dhe ka rënë në lumin Vardar, në drejtim të fshatit Rashçe. Aktualisht, njësia speciale “Tigrat” janë në terren dhe po e nxjerrin automjetin nga lumi.
“Me datë 02.01.2025 në orën 16:00 është raportuar në SPB Shkup se një automjet udhëtar ka dalë nga rruga dhe ka rënë në lumin Vardar,” njoftojnë nga MPB.
“Menjëherë në vendngjarje janë dërguar oficerë policie dhe shërbimi i Ndihmës së Shpejtë, ndërsa ekipi i SAE Tigrat ka marrë masa për nxjerrjen e automjetit. Po ashtu, në vendngjarje është edhe prokurori publik,” shtojnë ata.
Ndryshe të aksidentuarit janë një familje nga fshati Gërçec i Sarajit me mbiemrin Arsllani ku në veturë ishin 5 persona përfshirë edhe një fëmijë 5 vjeçar i cili para se të binte vetura më lumin Vardar nga rokullisja ka shpëtuar duke e hedhur vetura jashtë lumit, i cili është transferuar në spital. Policia, Tigrat dhe zjarrfikësit po kërkojnë pa ndërprerë, pritet të shihet dhe të gjendet personat tjerë.
