Përkundër moshës, tenistja amerikane Venus Williams është ende aktive.
45-vjeçarja së fundi ka marr dritën jeshile për të luajtur në Grand Slamin ”US Open”, i cili fillon me 24 gusht, shkruan IndeksOnline.
Williams tashmë i është dhënë një kartë hyrëse “wild card” nga Shoqata Amerikane e Tenisit.
Amerikania do të jetë pjesëmarrësja më e vjetër në teke në turne që nga Renée Richards, e cila ishte 47 vjeç në vitin 1981, sipas Federatës Ndërkombëtare të Tenisit.
Ajo ka fituar shtatë Grand Slame në njëshe, përfshirë US Open në vitet 2000 dhe 2001 duke i shtuar edhe 14 të tjera në dyshe për femra, të gjitha të fituara me motrën e saj më të vogël, Serena, plus dy në dyshe të përziera.
Venus Williams mori pjesë për herë të fundit në një turne Grand Slam në US Open 2023, duke humbur në raundin e parë.
