Një aksident i rëndë ajror ka ndodhur mëngjesin e sotëm në Tajlandë.
Mediat e huaja shkruajnë se një avion ushtarak u rrëzua në det gjatë një fluturimi stërvitor, duke shkaktuar vdekjen e gjashtë personave.
Incidenti ndodhi rreth orës 08:00 me orën lokale, pranë resorit turistik Hua Hin, rreth 200 kilometra në jug të Bangkokut.
Avioni i tipit Viking DHC-6 Tëin Otter, në pronësi të Policisë Mbretërore të Tajlandës, ishte duke kryer një stërvitje për hedhje me parashutë kur u rrëzua në ujërat afër bregut.
Ngjarja u pa nga dhjetëra turistë të cilët, sipas pamjeve filmike të publikuara, panë avionin duke u zhytur me shpejtësi në det. Dëgjohen britma paniku nga dëshmitarët që përjetuan momentet dramatike të rrëzimit.
Një dëshmitar okular, Isara Supasa, rrëfen: “Dëgjova zhurmën e fortë të motorit dhe pashë avionin duke rënë drejtpërdrejt në ujë. Vrapova në breg, por nuk kishte asnjë shenjë jete nga rrënojat.”
