Rrëshqitje shkëmbinjsh në rrugën Shkup-Veles, një pjesë e rrugëve në rajonin e Krushevës janë të mbyllura, ndërsa automjetet mallrash janë të ndaluara në rrugën Strugë-Qafë.
Ministria e Punëve të Brendshme njofton qytetarët se në orën 17:35 është raportuar se në autostradën Shkup-Veles, pas tunelit “Badar”, ka pasur rrëshqitje shkëmbinjsh, e cila ka përfshirë të dy korsitë. Trafiku nuk është i ndërprerë. Në vendngjarje ndodhen oficerë policie dhe një ekip nga ‘Rrugët e Maqedonisë’.
Nga ora 18:05, për shkak të daljes nga shtrati të lumit Crna Reka në afërsi të fshatit Buçin, rajoni i Krushevës, kemi pasur ndërprerje të trafikut rrugor në rrugët lokale nga fshati Buçin – D.Hisar, fshati Buçin në drejtim të fshatit Obrshani dhe fshati Buçin në drejtim të fshatit Trnoc.
Gjithashtu ju njoftojmë se nga ora 18:15 është vendosur ndalim për lëvizjen e automjeteve mallrash në rrugën Strugë-Qafë.
Gjithashtu ju njoftojmë se që nga ora 18:30, rruga Probishtip-Legovec është e mbyllur për trafik në të dyja drejtimet për shkak të një aksidenti trafiku dhe inspektimit.
Ministria e Brendshme ka ndërmarrë aktivitete përkatëse për të hequr të gjitha pengesat për vendosjen dhe normalizimin e trafikut.
Apelojmë te qytetarët që të respektojnë rregullat dhe rregulloret e trafikut, posedimin e detyrueshëm të pajisjeve të përcaktuara dimërore dhe respektimin e sinjalistikës së vendosur.
