Ministri i Punës dhe Politikës Sociale të Republikës së Maqedonisë së Veriut, Fatmir Limani, mori pjesë në ceremoninë e pritjes shtetërore të organizuar nën kujdesin e Presidentit të Republikës së Shqipërisë, Sh. T. Z. Bajram Begaj, me rastin e Ditës së Flamurit.
Gjatë kësaj mbrëmjeje solemne, e cila bashkoi figura të rëndësishme shtetërore, përfaqësues diplomatikë dhe personalitete nga mbarë trojet shqiptare, Ministri Limani vlerësoi rëndësinë e 28 Nëntorit si simbol i historisë, identitetit dhe unitetit kombëtar.
Ministri Limani theksoi se bashkëpunimi ndërinstitucional dhe ruajtja e vlerave kombëtare mbeten thelbësore për të ardhmen e shqiptarëve:
> “Dita e Flamurit nuk është vetëm një datë historike, por një mesazh i fuqishëm për unitet, solidaritet dhe përkushtim ndaj vlerave që na identifikojnë si komb. Është nder i veçantë të jesh pjesë e kësaj ceremonie shtetërore,” – deklaroi Ministri Fatmir Limani.
Ceremonia u zhvillua në një atmosferë festive dhe protokollare, duke përçuar vlerat më të mira të kulturës dhe traditës shqiptare, si dhe duke forcuar lidhjet institucionale mes Shqipërisë dhe Maqedonisë së Veriut.
