Ministri i Shëndetësisë, Azir Aliu në emisionin “10Minuta” në TV21, bëri të ditur se janë duke punuar që ekspertë nga jashtë të vijnë në vend për transplantim të mëlçisë edhe nga donor i gjallë.
“Pra mund t’ju informoj që kohën e fundit kemi kryer trajnime shumë të suksesshme në Turqi me transplantor urolog, që tani janë të aftë të bënë transplantime edhe nga donorët e gjallë, jo veç nga donorë të ndjerë që janë. Momentalisht, gjithashtu jemi në fazën e krijimit të trajnimeve, ku do të vijnë edhe ekspertë nga jashtë këtu për transplantime të mëlçisë. Pra, në aspektin e kapaciteteve njerëzore duam që Ministria të ketë ekspertë për të bërë transplantim të organeve të ndryshme. E dini, e dimë që lista e pacientëve të cilët kanë nevojë për një organ të tillë është shumë e gjatë, por këtë shkak paralelisht punojmë me koordinatorin nacional dhe me institucionet e tjera, që të mund vetëdija dhe ky humanizëm të jetë në nivel më të lartë tek qytetarët, pasi që e dini kur kemi donor të ndjerë, atëherë momenti është familja e donorit të jep pëlqim për të bërë transplant ndonjë organi. Nga ana tjetër, e dimë që një organ në një pacient i cili ka nevojë vitale për këtë organ do të shton kualitetin e jetës dhe jetgjatësinë e këtij pacienti. Pra, në këtë drejtim punojmë fort si Ministria, ashtu edhe kolegët në klinika të ndryshme”, deklaroi ministri i Shëndetësisë, Azir Aliu.
