Kryeministri Hristijan Mickoski në mënyrë kategorike hodhi poshtë mundësinë për mbajtjen e zgjedhjeve të parakohshme parlamentare duke vlerësuar se koalicioni qeveritar po funksionon në mënyrë të shkëlqyer.
Sipas tij mbajtjen e zgjedhjeve të parakohshme nuk e mbëshetet as bashkësia ndërkombëtare e as qytetarët. Tha se janë të fokusuar në realizimin e reformave.
“Për momentin nuk e shoh nevojën për mbajtjen e zgjedhjeve të parakohshme parlamentare. Ne bisedimet e mia me bashkësinë ndërkombëtare por edhe atë që unë e flas me qytetarët, që të dyja palët presin nga Qeveria reforma dhe realizim, dhe ky është fokusi dhe prioriteti i kësaj Qeverie. Kuptohet se VMRO-DPMNE si parti më e madhe politike në vend duhet të sillet me përgjegjësi ndaj qytetarëve dhe pse ndoshta pas zgjedhjeve lokale, ajo fitore absolute, e parë në aspektin politik, ne na përgjigjet të kemi zgjedhje të parakohshme parlamentare. Edhe përkundër gjithë kësaj, prioriteti ynë dhe fokusi janë reformat dhe realizim i tyre për jetë dhe standart më të mirë të qytetarëve.” – deklaroi Kryeministri i vendit, Hristijan Mickoski.
Në pyetjen nëse Fatmir Limani lëshon Lëvizjen Besa a do të vazhdojë të jetë pjesë e Qeverisë, Mickoski me përgjigje.
“Nuk jam i informuar për këtë që ju tani po e thoni. Ajo që ka të bëjë me Qeverinë, ju them se Qeveria funksionon në mënyrë të shkëlqyer është e përbërë nga tre subjekte koalicioni. Ato janë koalicioni i udhëhequr nga VMRO-DPMNE, koalicioni VLEN dhe partia “E di”.” – u shpreh Mickoski.
Pavarësisht zhvillimeve brenda partive partnere të koalicionit qeverisës, kryeministri Mickoski thotë se Qeveria po funksionon mirë dhe se rekonstruimi i Qeverisë pritet të ndodhë më së voni deri në qershor.
