Do të më lejoni në këtë rast t’i uroj kryetarit të komunës për punën jashtëzakonisht të suksesshme që e kryen në Komunën e Kratovës. Dua t’i falënderoj këshilltarët që mbështesin punën e kryetarit të komunës, si dhe administratën, kuptohet, e cila gjithmonë është këtu për të ndihmuar në procesin e realizimit të projekteve.
„Prania ime, prania e zëvendëskryetarit të Qeverisë, e anëtarëve të tjerë të Qeverisë dhe e deputetëve në Kuvendin e Maqedonisë është një porosi jashtëzakonisht e rëndësishme për Kratovën dhe banorët e saj, se si Qeveri do të vazhdojmë t’i mbështesim projektet që u përgjigjen nevojave të banorëve të kësaj komune, ashtu siç tha edhe vetë kryetari. Disa projekte po realizohen me mjetet që ne si Qeveri i ridestinuam nga buxheti qendror drejt komunave, dhe ky proces do të vazhdojë edhe në vitet në vijim.“
Interesi ynë si Qeveri është interesi i qytetarëve. Gjithçka që paraqet nevojë të tyre, ne e realizojmë atë. Kështu që, edhe një herë, qoftë me fat lëshimi në funksion i këtij objekti të mrekullueshëm dhe uroj që sa më shumë sportistë dhe talente të dalin nga kjo sallë sporti dhe nga ky objekt sportiv.
