Maqedonia po forcon linjat e transmetimit të energjisë elektrike dhe të gazit, në kontekst të inteligjencës artificiale. Po ndërtohet një interkonektor gazi me Greqinë, ndërsa po fillojmë ndërtimin e një konektori gazi që do ta lidhë vendin tonë me Serbinë, shpjegoi Kryetari i Qeverisë Republikës së Maqedonisë së Veriut, duke iu përgjigjur pyetjeve të parashtruara në panelin në Davos, të cilat kishin të bënin me inteligjencën artificiale dhe qendrat e nevojshme të gazit, si dhe me atë se çfarë po bën Maqedonia për të tërhequr investime të huaja direkte krahasuar me Kroacinë dhe Slloveninë.
“Sa i përket inteligjencës artificiale, ne po forcojmë linjat tona të transmetimit të energjisë elektrike, por jo vetëm për energjinë elektrike – po ashtu po i forcojmë edhe linjat tona të transmetimit të gazit. Për qendrat e të dhënave, nevojitet një furnizim i qëndrueshëm, do të thosha, me energji elektrike. Pra, dikush duhet të prodhojë një furnizim të qëndrueshëm dhe të sigurt me energji elektrike për qendrat e të dhënave, në mënyrë që ato të kenë, do të thosha, performanca të shkëlqyera të inteligjencës artificiale. Në këtë drejtim, ne po ndërtojmë një interkonektor gazi me Greqinë, ndërsa tani po fillojmë ndërtimin e një konektori gazi që do ta lidhë vendin tim me Serbinë.
Çfarë do të thotë kjo? Do ta rrisim kapacitetin e gazit deri në tetë miliardë metra kub në vit. Deri tani konsumojmë gjysmë miliardi metra kub në vit, që do të thotë se do të ndërtohen mijëra e mijëra megavat kapacitet i instaluar në termocentrale me gaz, për të furnizuar qendra të reja të të dhënave me energji elektrike. Kjo është një shtyllë e një shembulli dhe si Qeveri e pranojmë të gjithë rrezikun institucional. Kjo është diçka që mund t’ua ofrojmë investitorëve si nxitje”, tha Mickoski në Davos.
Aktualisht po zhvillohen tre projekte të rëndësishme për prodhimin e energjisë elektrike nga hidrocentralet, me vlerë 2 miliardë euro. Kryeministri informoi se këto projekte nuk janë të rëndësishme vetëm për Maqedoninë, por edhe për rajonin.
“Tani po zhvillojmë tre projekte të mëdha në lidhje me prodhimin e energjisë elektrike nga hidrocentralet. Po flasim për projekte me vlerë 2 miliardë euro. Këto projekte janë shumë të rëndësishme për ne, jo vetëm për prodhimin e energjisë elektrike, por këto tre projekte janë gjithashtu strategjikisht të rëndësishme për ne. Dhe jo vetëm për ne, por për rajonin në tërësi.
Po flasim për tre diga të mëdha që do të krijojnë tre rezervuarë të mëdhenj me ujë shumë të pastër për pije. Duke marrë parasysh ndryshimet klimatike, mendoj se rajoni do të ketë nevojë për këto rezerva të ujit të pijshëm, ujë të pastër për pije. Të dy projektet janë pjesë e një kaskade që mbështetet në një lumë të madh, të quajtur Cërna Reka. Në rrjedhën e poshtme të kësaj kaskade ndodhet toka bujqësore më e mirë në Evropë, dhe ai rajon njihet si rajoni i Tikveshit.
Praktikisht jemi të fokusuar te energjia, ndërkohë që kemi edhe prioritete të tjera. Por me shumë gjasë ju dëshironi të flisni më shumë për inteligjencën artificiale. Po ashtu dëshironi të flisni për energjinë elektrike dhe për të gjitha ato projekte që lidhen disi me këto dy çështje shumë të rëndësishme, jo vetëm në vendin tim, por edhe këtu në Davos. Shumë shpesh dëgjojmë politikanë që flasim për inteligjencën artificiale.
Pyes veten nëse të gjithë ata e kuptojnë thelbin e inteligjencës artificiale apo thjesht e përdorin inteligjencën artificiale si një fjalë të popullarizuar, si dy fjalë të popullarizuara. Doktoraturën time e kam përfunduar para 16–17 vitesh dhe kam përdorur një algoritëm fazi logjik për kontrollin e robotëve manipulues. Pra, praktikisht, ky ishte fillimi i inteligjencës artificiale,” theksoi Kryeministri në panel diskutimin në Davos.
