Për mua paraqet nder dhe kënaqësi e madhe faktin që gjërat që shohim sot këtu në ‘Alkaloid’ në Shkup, po ashtu gjenden edhe në kompanitë dhe industritë farmaceutike më moderne në botë.
Ajo që na bën veçanërisht krenarë është se e kemi këtë këtu dhe jemi krenarë që është maqedonase. Unë e falënderoj drejtorin, i falënderoj të gjithë njerëzit që sot na treguan se me çfarë disponon kjo industri farmaceutike, kjo kompani. Mund të them gjithashtu me kënaqësi se më shumë se 3,000 punonjës e ndërtojnë të ardhmen e tyre këtu në Alkaloid; pjesa më e madhe e tyre janë në Maqedoni, natyrisht ka edhe një pjesë në përfaqësitë e Alkaloidit jashtë Maqedonisë, pjesa më e madhe e portofolit të kompanisë është për eksport, do të thosha më shumë se dy të tretat e portofolit janë për eksport. Kjo ndikon në drejtim të gjendjes ekonomike të shtetit, rritjes së PBB-së (Prodhimit të Brendshëm Bruto), prodhimit industrial dhe ne si Qeveri gjithmonë do të mbështesim histori suksesi, histori të tilla suksesi maqedonase, sepse nuk ka promotor më të madh për një shtet sesa një histori e tillë suksesi jashtë kufijve të shtetit.
“Unë vetëm mund t’u uroj edhe një herë, të falënderoj kolegun tim nga Qeveria, ministrin e Shëndetësisë, drejtorin e Fondit, e mbi të gjitha të falënderoj punonjësit e SH.A. ‘Alkaloid’ që e bëjnë Maqedoninë krenare jo vetëm brenda vendit, por edhe jashtë vendit, menaxhmentit, Drejtorit të Përgjithshëm, ja ku ishim sot së bashku duke vizituar këtë kapacitet të madh prodhues maqedonas, dhe të vazhdojmë më tej që së bashku të korrim suksese të shumta dhe natyrisht të pasurojmë punën dhe portofolin e kompanisë.”
