Për mua është një nder dhe kënaqësi e madhe që mund të jem sot në këtë shoqëri. Pse? Sepse kur investoni dhe e forconi armatën, kjo do të thotë se investoni në paqe afatgjate dhe investoni në mbrojtjen e atdheut tuaj.
Si Kryetar i Qeverisë, gjithmonë një nga prioritetet e mia kryesore ka qenë siguria e shtetit, ruajtja e paqes dhe stabilitetit të vendit, sepse këto janë kushtet themelore që të mund të zhvillojmë një shoqëri që do të ecë përpara dhe e cila do të ofrojë ardhmëri për të gjithë qytetarët, hallkë e pandashme e këtyre ambicieve kuptohet është edhe Armata maqedonase.
Sot marrim pjesë në këtë ngjarje, e cila është, do të thosha, vazhdim i asaj që ndodhi para një viti, për të cilën foli edhe e nderuara ambasadore e SHBA-së dhe unë jam vërtet krenar që ja, ngadalë por sigurt po e kompletojmë dhe po e forcojmë Armatën maqedonase.
Këtu nuk do të ndalemi, do të vazhdojmë edhe më tej.
Në drejtim të përcaktimit të prioriteteve, diçka për të cilën kemi folur më herët me shefin e Shtabit të Përgjithshëm, me ministrin, me ambasadoren dhe me kolegët e tjerë, në vitet që do të vijnë do të mund ta planifikojmë buxhetin, të investojmë si në zhvillimin e shtetit, ashtu edhe në zhvillimin e Armatës.
Por gjithashtu, kur flasim për investim në Armatën, flasim edhe për modernizimin dhe ndërtimin e dy korridoreve shumë të rëndësishme – Korridorit 10 dhe Korridorit 8 – të cilët në thelb jo vetëm tani, por edhe në të ardhmen do të përfaqësojnë një logjistikë të shkëlqyer për Krahun Jugor të NATO-s, ku edhe ne si Maqedoni bëjmë pjesë dhe kjo është një nga ambiciet dhe planet tona kryesore për vitet që do të vijojnë: modernizimi i Armatës, furnizimi me atë që është e nevojshme, përcaktimi dhe realizimi i prioriteteve nga aspekti i pajisjeve. Si dhe modernizimi dhe konstruimi i këtyre dy korridoreve të rëndësishme logjistike për NATO-n, veçanërisht për Krahun Jugor të NATO-s.
Në fund, do të doja të falënderoj të gjithë ata që janë pjesë e Armatës maqedonase – ushtarët, oficerët, gjeneralët, shefin e Shtabit të Përgjithshëm, të falënderoj ministrin, me të cilin punojmë çdo ditë, bisedojmë se çfarë mund të bëjmë më shumë për Armatën Maqedonase kuptohet dhe të falënderoj ambasadoren e SHBA-së, e cila gjithmonë jep mbështetje dhe është gjithmonë e pranishme kur duhet të diskutojmë për modernizimin e forcave të armatosura maqedonase dhe jam i bindur se si partnerë strategjikë, ndoshta ne jemi në këtë rast partner më i vogël krahasuar me SHBA-në, por jemi partner i rëndësishëm, sepse partneritetet ndërtohen, mirëmbahen dhe kultivohen, dhe në këtë drejtim do të vazhdojmë në vitet që vijnë.
Edhe një herë, ambasadore, ju faleminderit për mbështetjen tuaj gjatë kësaj periudhe dhe normalisht ju faleminderit edhe juve, gazetarëve, që gjithmonë jeni këtu për të ndjekur promovimet e këtilla dhe ngjarjet e këtilla.
