Mendoj se folësit e mëparshëm folën për detajet dhe rëndësinë e vetë projektit.
Unë do të doja vetëm t’u uroj të gjithë atyre që janë përfshirë në këtë projekt — ministrit të Transportit dhe zëvendëskryeministër në Qeveri, drejtorëve të Hekurudhave të Maqedonisë, drejtorit të Hekurudhës së Maqedonisë dhe Infrastrukturës, si dhe të gjithë atyre që ishin pjesë e këtij projekti.
Ajo që e tha edhe kryetari i ri i Qytetit të Shkupit është shumë e rëndësishme, sepse në këtë mënyrë do të lehtësohet paksa trafiku përmes përdorimit të këtij mjeti transportues, por ajo që është edhe më e rëndësishme, është se do ta ulim emetimin e grimcave të dëmshme në ajër — kjo gjithashtu ka efekte pozitive edhe në aspektin ekologjik.
Ne thamë se kur bëhet fjalë për cilësinë e ajrit, mrekullitë janë të pamundura, duhet kohë sepse nuk është bërë asgjë, por ky është një nga ato projekte që kontribuon dhe jam shumë i lumtur që më në fund po e fillojmë sistemin BRT, por duhet të shohim pak për projektin se si do të konceptohet e gjithë kjo, dhe meqenëse do të duhet të ndërtohet një urë krejt e re mbi lumin Vardar në mënyrë që e gjithë kjo të kryhet siç duhet. Kur të përfundojmë të gjitha këto projekte, jam i sigurt se ato do të kenë ndikim pozitiv mbi mjedisin dhe do ta ulin ndotjen gjatë gjithë vitit, sepse automjetet qarkullojnë gjatë gjithë vitit dhe gjatë gjithë vitit ato lëshojnë grimca që ndikojnë negativisht në cilësinë e ajrit. Kjo është shumë e rëndësishme, të paktën për këtë segment, ndërsa për pjesën tjetër kemi projekte të vazhdueshme që po zhvillojmë.
Urime edhe një herë, dhe i ftoj qytetarët që, kur gjithçka të jetë funksionale dhe operacionale, ta përdorin këtë, në mënyrë që të gjithë ne të kemi përfitim nga e gjithë kjo.
