“Dita e dytë në këtë pjesë të Maqedonisë dhe dita e dytë me lajm të bukur, sërish kopsht për fëmijë. Si Qeveri vazhdojmë të punojmë dhe të krijojmë kushte për më të vegjëlit, për më të dashurit. Këta janë fëmijët tanë. Si Qeveri udhëheqim politikë qartësisht të përcaktuar pro-familjare, politikë që nënkupton martesën, fëmijët, sepse kjo është e ardhmja e shtetit dhe e ardhmja e kombit. Gjithçka tjetër përfaqëson vlera të cilat, me gjithë rrezikun që sërish të kritikohem, kjo qeveri nuk mund t’i promovojë. Kjo Qeveri gjithmonë do të promovojë vlera pro-familjare, vlera për të cilat mendojmë se janë baza dhe themeli i një kombi dhe i një shteti.
Përveç atyre gjashtë procedurave falas për in vitro, të cilat i rritëm nga tre në gjashtë, vazhdojmë me hapjen e kopshteve të reja dhe eliminimin e listave të pritjes, ashtu siç u zotuam në program. Dje ishte Koçani, më në fund pas të gjitha peripecive u hap ai kopsht për 114 fëmijë, sot është ky zgjerim i kopshtit ekzistues në Tarincë, Komuna e Karbincit, për rreth pesëdhjetë fëmijë. Nesër ju ftoj në Sopisht të Shkupit, gjithashtu hapim një kopsht dhe vazhdojmë edhe në periudhën që vijon. Kur kësaj i shtohen edhe librat që i morën nxënësit e klasës së parë, ku familja përkufizohet si “nëna, babai, motra, vëllai dhe unë”, atëherë i përcaktojmë qartë politikat e kësaj Qeverie dhe në këtë drejtim do të vazhdojmë edhe në të ardhmen të promovojmë këtë lloj politikash.
Dua të falënderoj edhe kryetarin e komunës, të falënderoj gjithashtu ministrin dhe zëvendësministrin në Ministrinë e Politikës Sociale, Demografisë dhe Rinisë, të cilët me fokusin dhe punën e tyre, në kohë rekorde, e vunë në funksion këtë zgjerim të kopshtit ekzistues me kapacitet për rreth 50 fëmijë. Në këtë drejtim pres që të vazhdojmë edhe në vitet që vijnë. Do ta përsëris, e ardhmja janë fëmijët, më të dashurit tanë dhe në këtë drejtim do të vazhdojmë t’i udhëheqim politikat tona. I përgëzoj edhe këshilltarët në Këshill, administratën që mbështet punën e kryetarit të komunës, deputetët që vijnë nga kjo pjesë e Maqedonisë, drejtoreshën dhe të gjithë ata që janë pjesë e kësaj historie të suksesshme dhe të bukur këtu në Komunën e Karbincit.”
