Një ngjarje vërtet jashtëzakonisht e rëndësishme për Ministrinë e Punëve të Brendshme, pjesën më të madhe të specifikave në lidhje me këtë objekt tashmë i keni dëgjuar dhe nga Shkëlqesia e saj ambasadorja dhe ministri i Punëve të Brendshme, më mbetet vetëm t’u uroj trajnime të suksesshme dhe shfrytëzim të suksesshëm të këtij objekti brezave që do ta përdorin.
Më lejoni të falënderoj personalisht Shkëlqesinë e saj ambasadoren Angela Ageler për mbështetjen dhe ndihmën e saj personale në realizimin e këtij projekti dhe më lejoni të falënderoj ministrin Pançe Toshkovski, i cili së bashku me ekipin dhe bashkëpunëtorët e tij me vetëmohim u angazhuan që ky objekt të duket ashtu siç është.
Sundimi i së drejtës, siguria e qytetarëve është vlerë themelore kushtetuese dhe Qeveria ka për detyrë, obligim, por dhe synim që të respektojë këtë vlerë themelore dhe gjithçka që ka ndodhur, por edhe ajo që do të ndodhë në periudhën në vijim, nënkupton një luftë të pakompromis kundër krimit dhe korrupsionit, diçka që qytetarët presin nga ne dhe nga kjo Qeveri, dhe diçka që fatkeqësisht nuk ishte ashtu në të kaluarën kur shumica e bashkëqytetarëve tanë ndiheshin si qytetarë të dorës së dytë, dhe një grup i vogël që ishte i lidhur ngushtë me koalicionin qeverisës, LSDM-BDI, ishin qytetarë të dorës së parë.
Nuk ka asnjë privilegj tani, lufta kundër krimit dhe korrupsionit është e pamëshirshme dhe do të vazhdojë të jetë e tillë. Duhet të tregojmë se nuk i’a vlen të merresh me krimin dhe korrupsionin në këtë shtet.
