Sot, funksionarët tanë, mbajtën një trajnim të rëndësishëm për të forcuar kapacitetet tona dhe për të ndërtuar një strukturë të fortë politike që sjell freski dhe ndryshim të vërtetë.
Ne nuk jemi këtu për të ofruar politika të vjetra dhe figura të konsumuara, por për të ndërtuar një gjeneratë të re politikanësh – të pastër nga korrupsioni, të çliruar nga e kaluara dhe të aftë për të sjellë rezultate konkrete. Lëvizja Demokratike po rritet me të rinj, profesionistë dhe njerëz me integritet, të cilët kanë energji të reja dhe ide të guximshme.
Për ne, pushteti nuk është privilegj, por përgjegjësi. Çdo funksionar i Lëvizjes Demokratike duhet të jetë në shërbim të qytetarëve dhe të punojë për ta, e jo për interesa personale. Prandaj, investimi në kapacitetet njerëzore dhe dëgjimi i zërit të popullit janë prioritetet tona kryesore.
Nuk na duhen politikanë që humbin në burokraci, por njerëz të aftë që ndihmojnë qytetarët, zgjidhin probleme dhe ndërtojnë ura mes popullit dhe institucioneve. Për këtë arsye, kemi hapur dyert për një gjeneratë të re, të pakomprometuar dhe të pastër, duke u dhënë mundësi atyre që kurrë nuk kanë qenë pjesë e rretheve korruptive.
Lëvizja Demokratike nuk është një parti për individë, por një lëvizje për të gjithë kombin. Me përkushtim dhe vizion të qartë, po ndërtojmë një strukturë të fortë në çdo komunë ku jetojnë shqiptarë, duke qenë pranë qytetarëve në çdo lagje, fshat dhe qytet.
Ky trajnim ishte një hap i rëndësishëm në zhvillimin tonë dhe një dëshmi se ne jemi të gatshëm të qeverisim me përgjegjësi dhe me një vizion të ri për politikën shqiptare!
Vazhdojmë përpara!
https://www.facebook.com/share/15q4CEfCHM/
