Kryetari i Komunës së Çairit dhe njëri nga liderët e koalicionit VLEN,
Izet Mexhiti ka theksuar rëndësinë e marrëdhënieve institucionale mes
Maqedonisë së Veriut dhe Shqipërisë.
“Ne kemi pasur Kryeministrin shqiptar në fushatë të Bujar Osmanit në
Çarshi, ndërsa unë si Zëvendëskryeministër posa e kam marrë detyrën
vizitën e parë zyrtare e kam bërë në Tiranë duke takuar prej Presidentit
Bajram Begaj, Kryeministrin e deri te të gjithë ministrat e resorëve më
rëndësishëm për ta thelluar bashkëpunimin Maqedoni-Shqipëri.” tha
Mexhiti.
Ai theksoi se në muajt e ardhshëm pritet të finalizohen projektet e
përbashkëta për pikat kufitare Qafë Thanë dhe Bllatë, të cilat do të
funksionojnë me sistemin “One Stop Shop”, duke lehtësuar ndjeshëm
lëvizjen e qytetarëve dhe mallrave mes dy vendeve.
“Muajt e ardhshëm pritet që të finalizohet edhe kufiri Qafë Thanë dhe
Bllatë të jenë Onë Stop Shop që ta lehtëson qarkullimin Shqipëri –
Maqedoni dhe uroj që të thellohet bashkëpunimi edhe në të gjitha fushat
tjera”, deklaroi më tej Mexhiti.
