Kryetari i komunës së Çairit dhe njëri nga liderët e VLEN, Izet Mexhiti, ka drejtuar akuza të ashpra ndaj Arben Taravarit, derisa ky i fundit ishte në krye të ministrisë së Shëndetësisë.
Në intervistën për “Dialog te Lajmi”, Mexhiti ka thënë se derisa Taravari ka drejtuar këtë dikaster ka nënshkruar licencat e kanabisit, pasoja të cilat i ndjejmë tani.
“Kemi një temë këto ditë të kanabisit dhe opinioni duhet ta dijë që ky sa ka qenë ministër i
Shëndetësisë, rreth shtatë muaj, shtatë licencat e kanabisit si ministër i Shëndetësisë i ka nënshkruar z. Taravari. Ky nuk ka qenë ministër i Shëndetësisë, por ministër kanabisi, ministër marihuana. Me atë veprim ai e ka sjell nëntokën e regjionit në Maqedoni dhe i shohim pasojat edhe sot nga politikat që i ka bë atëherë”, ka thënë Mexhiti.
