Në një atmosferë festive dhe plot emocion, Kryetari i Komunës së Çairit, Izet Mexhiti, mori pjesë në pritjen solemne të organizuar nga Ambasada e Republikës së Kosovës në Maqedoninë e Veriut, nën mikpritjen e Ambasadorit Florian Qehaja, me rastin e 18-vjetorit të Pavarësisë së Kosovës.
“Kjo është një ditë krenarie për të gjithë shqiptarët. Pavarësia e Kosovës është fryt i një sakrifice të madhe dhe një amanet për të ndërtuar një shtet të fortë, demokratik dhe me perspektivë euroatlantike,” u shpreh Mexhiti.
Ai uroi që Kosova të vazhdojë të ecë përpara, të forcojë shtetin e saj dhe të ndërtojë një të ardhme të sigurt e prosperuese për të gjithë qytetarët e saj.
Mbrëmja u karakterizua nga pjesëmarrja e përfaqësuesve institucionalë, diplomatësh, personaliteteve të jetës publike dhe bashkatdhetarëve, duke dëshmuar lidhjet e forta ndërmjet Kosovës dhe shqiptarëve në Maqedoninë e Veriut.
Urime 18-vjetori i Pavarësisë, Kosovë! 🇽🇰
