Zv/kryeministri i parë dhe njëherit kryetar i Lëvizjes Demokratike
Izet Mexhiti ka zhvilluar një takim të rëndësishëm me strukturat e Lëvizjes Demokratike në qytetin e Gostivarit, ku u diskutuan tema kyçe për të ardhmen e qytetit dhe për rolin e rëndësishëm të Lëvizjes Demokratike në përmirësimin e jetës së qytetarëve. Takimi u fokusua në përfshirjen aktive dhe fuqizimin e strukturave organizative, me qëllim formimin dhe funksionalizimin e degës dhe nëndegëve të Lëvizjes Demokratike në këtë komunë.
Gjatë këtij takimi u nënvizua rëndësia e angazhimit të strukturave lokale për zgjerimin dhe stabilizimin e Lëvizjes Demokratike, duke forcuar koalicionin VLEN si një platformë gjithëpërfshirëse dhe qytetare. Mexhiti theksoi se ky është një proces themelor për t’u përgjigjur nevojave të qytetarëve me përgjegjësi dhe vizion të qartë.
Një pikë kyçe e takimit ishin projektet madhore infrastrukturore që do të sjellin ndryshime konkrete në jetën e qytetarëve të Gostivarit. Midis këtyre projekteve u përmend ndërtimi i një rezervuari të ri dhe rrugës së qasshme me vlerë 30 milionë denarë, si dhe linja e re e ujësjellësit nga Forina deri në Çegran, një investim prej 28 milionë denarësh.
“Këto investime janë një dëshmi e përkushtimit tonë për të përmirësuar infrastrukturën e qytetit dhe për t’i ofruar banorëve kushte më të mira jetese,” u shpreh Mexhiti. Ai theksoi se këto projekte nuk janë vetëm një përmirësim fizik i qytetit, por edhe një hap i rëndësishëm për përmirësimin e mirëqenies sociale dhe ekonomike të komunitetit.
Ky takim, i karakterizuar nga angazhimi dhe bashkëpunimi i strukturave lokale, është një hap tjetër drejt realizimit të vizionit për një Gostivar më të zhvilluar dhe më të qëndrueshëm.
Bashkë do të sjellim ndryshimin që duam!
