Zëvendëskryeministri i parë dhe ministri për Mjedis Jetësor dhe Planifikim Hapësinor, Izet Mexhiti sot ka inspektuar nga afër punimet në rrugën “Bajram Shabani” në Gazi Babë që për qëllim kanë përmirësimin e furnizimit me ujë të pijshëm për banorët e kësaj zone.
“Projekti në vlerë mbi 6 milionë denarë përfshin ndërtimin e një gypi të ri me profil DN 280 mm dhe gjatësi 235 metra, duke zëvendësuar rrjetin ekzistues. Me këtë ndërhyrje eliminohen ndërprerjet e shpeshta dhe furnizimi i pamjaftueshëm duke garantuar furnizim stabil me ujë, presion i përmirësuar i ujit përgjatë gjithë rrugës”, ka thënë Mexhiti.
Ky projekt realizohet nga Ministria e Mjedisit Jetësor dhe Planifikimit Hapësinor, në bashkëpunim me Komunën e Çairit dhe synon sigurimin e qasjes së vazhdueshme dhe ujit të pijshëm për banorët.
