Në një atmosferë të ngrohtë e vëllazërore, zëvendëskryeministri i parë, Izet Mexhiti, priti sot në zyrën e tij njërin nga artistët shqiptarë me famë botërore, tenorin Ramë Lahaj.
Mexhiti shprehu kënaqësinë për vizitën e maestros, i cili sonte do të interpretojë në Koncertin Gala, organizuar me rastin e përvjetorit të Marrëveshjes së Ohrit.
“Faleminderit, maestro, që me artin tuaj i jepni zë shpirtit tonë kombëtar dhe na përfaqësoni me dinjitet në skenat më prestigjioze të botës. Mirë se erdhe në Shkup!”, u shpreh Mexhiti.
Postimi i plotë
Në një atmosferë të ngrohtë e vëllazërore, sot pata kënaqësinë të pres në zyrën time njërin nga artistët më të mëdhenj shqiptarë me famë botërore, tenorin Ramë Lahaj.
Sonte, maestro Lahaj do të na nderojë me interpretimin e tij të jashtëzakonshëm në Koncertin Gala, organizuar me rastin e përvjetorit të Marrëveshjes së Ohrit.
Faleminderit, maestro, që me artin tuaj i jepni zë shpirtit tonë kombëtar dhe na përfaqësoni me dinjitet në skenat më prestigjioze të botës.
Mirë se erdhe në Shkup!
