Sot shënuam fillimin e një projekti jetik për qytetin, ndërtimin e një sistemi modern të furnizimit me ujë në një nga lagjet më të mëdha të Tetovës. Ky investim kap vlerën mbi 15 milionë denarë, të siguruar plotësisht si grant nga Qeveria, dhe do të ndikojë drejtpërdrejt në përmirësimin e kushteve të jetesës për qindra familje.
Së bashku me kryetarin Bilall Kasami, përcollëm nga afër nisjen e punimeve në terren, që janë pjesë e angazhimit tonë për modernizimin e infrastrukturës bazike të qytetit. Ky projekt jo vetëm që do të sigurojë furnizim të qëndrueshëm dhe cilësor me ujë të pijshëm, por edhe do të parandalojë humbjet dhe defektet që janë shfaqur ndër vite.
Tetova po ndryshon me hapa të sigurt, me punë, përkushtim dhe projekte konkrete që prekin drejtpërdrejt jetën e qytetarëve!
