Një mbrëmje plot energji e shpresë u zhvillua mbrëmë në Serovë, ku zëvendëskryeministri i parë dhe kandidati i VLEN-it për kryetar të komunës së Çairit, Izet Mexhiti, u takua me një numër të madh të rinisë.
Në këtë tubim, Mexhiti u shpreh i frymëzuar nga gjenerata e re që e priti me besim dhe mbështetje, duke e cilësuar rininë si partnerin më të fuqishëm në misionin për ta çuar Çairin drejt zhvillimit.
“Rinia e Serovës më dha shpresë dhe motivim se çdo punë që bëjmë ka kuptim. Çdo investim në arsim, sport dhe teknologji është për ta, për një të ardhme më të mirë,” ka thënë Mexhiti.
Sipas Mexhitit, VLEN po punon me projekte konkrete, por edhe me vizion të qartë për t’i dhënë rinisë shqiptare hapësirat dhe mundësitë që i meritojnë. Serova dhe Çairi po kthehen në epiqendër të shpresës për ndryshim dhe zhvillim.
