Çairi është krenari.
Krenari për sportistët e jashtëzakonshëm që rrit ky qytet, për pasionin, karakterin dhe shpirtin fitues që e lartësojnë komunën tonë në çdo garë.
Por sporti dhe sportistët kanë nevojë edhe për mbështetje të fortë institucionale dhe kushte më të mira për zhvillim.
Prandaj, krahas investimeve madhore në infrastrukturë, ku po ndërtojmë dhe rinovojmë salla sportive e pishina moderne, do të themelojmë repartin për mjekësi sportive në kuadër të Institutit për Mjekësi të Punës, një nevojë e patjetërsueshme për komunitetin tonë sportiv.
Ky repart do t’u shërbejë mbi 3000 sportistëve të Çairit që kryejnë kontrolle mjekësore çdo vit, duke garantuar trajtim profesional dhe kujdes të specializuar.
Në të njëjtën kohë, do të mbështesim klubet lokale, do të modernizojmë terrenet dhe do të krijojmë kushte që rinia e Çairit të rritet përmes sportit dhe disiplinës.
Çairi do të vazhdojë të jetë simbol i garës, i energjisë dhe i fitoreve. Sepse Çairi investon në kampionët e vet.
