Zëvendëskryeministri i parë dhe kandidat për kryetar të Komunës së Çairit për zgjedhjet lokale 2025, Izet Mexhiti, ka theksuar sot vendosmërinë e tij dhe të ekipit për të çuar përpara vizionin e zhvillimit dhe ndryshimit për komunën.
“Shtabi ynë, në krye me Besim Kokën, është zëri i qytetit, forca e ndryshimit, dhe energjia që e bën Çairin të shkëlqejë. Me ekipin tonë të zjarrtë, çdo ide po sjell rezultate, dhe çdo hap na çon drejt fitores së padiskutueshme,” deklaroi Mexhiti.
Ai nënvizoi se Çairi nuk pranon pazare të ulëta dhe nuk mund të njolloset nga duar të pista, duke theksuar se ky vend meriton më të mirën.
“Ejani, bashkohuni me ne, në rrugën e fitores. Ejani, ta çojmë Çairin drejt një kapitulli të ri përjetësisht fitimtar. Fitorja është e jona. Fitorja është e Çairit,” shtoi ai.
