Njëri nga liderët e VLEN dhe kryetari i ri komunës së Çairit, Izet Mexhiti, ka thënë sonte në Marshin në Tetovë se Bilall Kasami është i paarritshëm në këtë garë dhe se nga e hëna për ta si VLEN nuk paraqet sfidë më AKI.
Prandaj, shton ai, sonte në Tetovë nuk jemi vetëm për ta mbyllur fushatën, por edhe për të hapur kapitullin e ri të klasës së re politike shqiptare.
“Kjo është klasa politike që punon dhe nuk flet, që realizon dhe nuk premton, që do ta ndërtojë imazhin e shqiptarëve evropianë nga Likova deri në Prespë. Çairi dhe Tetova janë dy flamuj të kësaj fitore dhe kësaj historie të politikës shqiptare në vendin tonë”, tha Mexhiti.
Ai tha se tani fillon një periudhë e re ku shqiptarët do të kenë përfaqësim të ri dhe drejtues të ri.
“Nga e hëna, sfida jonë nuk është më AKI, sepse nga e hëna nuk do dinë se sa janë dhe kush janë, po nga e hëna për ne fillon një periudhë e re ku shqiptarëve do t’u japim drejtues të ri, qeveri e përgjegjshme dhe llogaridhënëse që realizon detyrimet e mara. Të dielën, ky vullnet për ndryshim do të vuloset përfundimisht dhe do të legjitimohet fryma e re e liderëve modern që fjalën e dhënë e kanë amanet dhe nder”, tha mes tjerash Mexhiti.
https://www.facebook.com/share/v/1Gy7ud39em/
