La Liga dhe Federata Mbretërore e Futbollit Spanjoll (RFEF) kanë refuzuar zyrtarisht regjistrimet e Dani Olmos dhe Pau Victor për Barcelonën. Vendimi vjen pas diskutimeve të gjera mes dy organeve.
Barcelona ka marrë një përgjigje negative për regjistrimin e yllit spanjoll, Dani Olmo dhe talentit Pau Victor përkundër marrëveshje të fundit përfituese nga shitja e ulëseve VIP në Camp Nou.
Si La Liga, ashtu edhe RFEF kanë refuzuar regjistrimin e dyshes së Barcelonës, duke dhënë edhe një deklaratë zyrtare mbi vendimin e tyre.
Deklarata e plotë
Deklarata e plotë e publikuar nga RFEF dhe La Liga është si më poshtë:
“Komiteti i Monitorimit të Marrëveshjes Koordinuese RFEF-La Liga është mbledhur për të adresuar kërkesën për miratimin paraprak dhe përpunimin e licencave federale të lojtarëve z. Daniel Olmo Carvajal dhe z. Pau Víctor Delgado, të paraqitur nga FC Barcelona”.
“Pas pajtueshmërisë së FCB me kërkesat e kontrollit ekonomik të La Ligës më 3 janar 2025, dhe pasi klubi të ketë kompletuar dokumentacionin përkatës, Organi i Vlerësimit të Buxhetit të La Ligës ka vendosur të zgjasë Limitin e Kostos së Skuadrës Sportive të FC Barcelona nga data e lartpërmendur”.
“Në lidhje me këtë, pasi janë kërkuar licencat për lojtarët e lartpërmendur nga FC Barcelona dhe pas analizës së rregulloreve federale në fuqi, Komiteti i Monitorimit pranon të mos japë licencën paraprake dhe as licencën përfundimtare të kërkuar nga FC Barcelona për lojtarët z. Daniel. Olmo Carvajal dhe z. Pau Víctor Delgado në përputhje me interpretimin e mirëfilltë të neneve 130.2 dhe 141.5 të Rregullores së Përgjithshme të RFEF-së, të cilat e pengojnë një lojtar të cilit i është hequr licenca të jetë në gjendje, gjatë të njëjtit sezon, të marrë një licencë në të njëjtin ekip të klubit për të cilin ai ishte tashmë i lidhur.”
Dani OlmosLa Liga merr vendim për Dani Olmon dhe Pau VictorPau VictorPau Victor dhe Dani Olmo
