Udhëheqësitë e SHA MEPSO dhe SH EMV, në takimin e sotëm koordinues, udhëheqësia e ShA MEPSO dhe ShA EMV harmonizuan strategjitë për zhvillimin e infrastrukturës elektrotransmetuese dhe mundësitë për integrimin e kapaciteteve të reja për prodhimin e energjisë elektrike nga burimet e ripërtëritshme.
Në drejtim të forcimit të rrjetit të transmetimit dhe sigurimit të stabilitetit dhe besueshmërisë më të madhe, ShA MEPSO prezantoi projekte me fokus të veçantë përshtatjen dhe zgjerimin e kapaciteteve të infrastrukturës transmetuese për burime të reja prodhuese të energjisë dhe ndërtimin e objekteve për ruajtjen e energjisë, ndërsa ShA ESM prezantoi planet për zgjerimin e portofolit të prodhimit.
“Në takim u shkëmbyen informacione lidhur me përpjekjet që po bëhen për ndërtimin e linjave të reja të transmetimit, stacioneve të reja të transformatorëve dhe aplikimin e teknologjive të avancuara që do të përmirësojnë efikasitetin dhe qëndrueshmërinë e të gjithë sistemit elektroenergjetik”, informuan pasdite nga SHA MEPSO.
Të dyja kompanitë u pajtuan të vazhdojnë bashkëpunimin dhe të dinamizojnë aktivitetet për realizimin e projekteve të planifikuara me qëllimin e vetëm, përgjigje ndaj sfidave të ardhshme në sektorin e energjetikës dhe sigurim të një zhvillimi të qëndrueshëm dhe të sigurt të sektorit energjetik në vend.
