Kryetari i Partisë Demokratike të Kosovës (PDK), Memli Krasniqi, ka reaguar pas incidentit të rëndë sot në Gjilan ku mbetën të vrarë tre persona dhe një tjetër u lëndua.
Ai në një postim në Facebook ka theksuar se tasti i sotëm është një tjetër alarm për pasigurinë, kriminalitetin dhe fenomenet negative që po rriten vitet e fundit në Kosovë, raporton KosovaPress.
“Institucionet duhet të veprojnë shpejt për t’i sjellë aktorët para drejtësisë, por edhe për të rikthyer sigurinë dhe besimin e qytetarëve”, tha ai duke iu shprehur ndërkohë ngushëllimet më të sinqerta familjeve të viktimave.
Policia ka vënë në kërkim Mefail Shkodra, i cili ndodhet në arrati, pasi tre persona kanë humbur jetën dhe një tjetër është plagosur sot rreth orës 12:32 në rrugën “Ibrahim Rugova” në Gjilan.
