Më shumë se 30,000 refugjatë sirianë kanë kaluar kufirin turk për t’u kthyer në vendin e tyre në 17 ditët e fundit, tha sot ministri i Brendshëm turk Ali Gerlikaya.
“Numri i njerëzve që janë larguar për në Siri, në 17 ditë është 30,663. Ky fluks nuk do të ndalet”, tha ministri në kanalin turk TGRT.
“Konsullata jonë e përgjithshme do të hapet në Alepo pas disa ditësh. Po hapim një zyrë të menaxhimit të emigracionit. Këtu kanë lindur fëmijë, kanë ndodhur martesa, divorce, vdekje. Po marrim hapa për plotësimin e nevojave të tyre”, tha ministri.
Turqia, e cila ndan një kufi prej më shumë se 900 kilometrash me Sirinë, vazhdon të presë rreth 2.92 milionë sirianë që janë larguar nga lufta që ka shkatërruar vendin e tyre që nga viti 2011.
