Grumbujt e mbeturinave në lokacione të caktuara në Shkup po shqetësojnë me të madhe qytetarët. Ato ankohen për kundërmim të erës së keqe dhe përhapjes së ndonjë infeksioni. Gjendja më alarmante paraqitet në një rrugë të lagjes Tophanë ku mbeturinat tashmë kishin arritur pranë dyerve të shtëpive. Derisa ekipi i Alsat filmoi në këtë rrugë një grua u ankuA për probleme shëndetësore tashmë disa ditë.
“Prej të martës vazhdojë me terapi, me infuzione. Ke ndonjë infeksion ose diçka tjetër? Virus, virus prej kësaj, virus çfarë të bëj. Si e kaloni, si dilni nga kjo rrugë? Me maskë ose shall, nuk dal pa të”, tha një qytetar.
“Kjo duhej të ishte pastruar deri më tani, por kush ta bëj. Ata shohin vetëm të votojmë dhe jo për mbeturinat. Ka shtëpi aty. Kaloni çdo ditë mbi mbeturina? Për çdo ditë është kështu. Nuk e di si ta them, këtu jemi lënë si në shkretëtirë dhe jo një mëhallë rome”, u shpreh një qytetar tjetër.
Për gjendjen e krijuar qytetarët fajësojnë institucionet përkatëse që, sipas tyre, tashmë me muaj kanë shpërfillur gjendjen me mbeturinat duke hedh fajin nga një institucion në tjetër. Një pjesë e qytetarëve thonë se përpiqen që mbeturina të hedhin sa më pak me qëllim shmangien e kontaktit me mbetjet komunale.
“Këto janë mbeturina biologjike, sëmundje. Bëj kujdes, nga ajo që bëj kujdes tashmë kam mbledhur tre qese najloni me mbeturina në ballkon, sot I hodha, nuk mund ti ruaj më shumë, kjo është ajo që bëj kujdes, po pres ti zbrazin por assesi”, tha një qytetare.
“Asnjëherë nuk e kanë pastruar, kjo është nuk e di si ta them”, theksoi një qytetar.
Mbeturinat e pa pastruara rrugëve të Shkupit për disa javë janë shndërruar në kënde ushqimi për qentë dhe macet e madje fole për shumimin e brejtësve. Mjekët epidemiolog dhe mikrobiolog thonë se minjtë janë bartës të njohur të sëmundjeve të rënda infektive të cilat transmetohen përmes urinës, jashtëqitjes, pështymës dhe pleshtave të brejtësve. Nga Qendra e Shëndetit Publik rekomandojnë që në këtë periudhë të ndalohet kontakti i fëmijëve me kafshët që nuk janë shtëpiake me qëllim parandalimin e bartjes së ndonjë infeksioni të caktuar./ Alsat.mk
