Mbeturinat komunale në Kodrën e Diellit mblidhen rregullisht, në përputhje me dinamikën e parashikuar në planin operativ, ku orari i rregullt është çdo të premte dhe çdo të hënë pasdite. Gjatë periudhës dimërore / pushimeve të dimrit, është paraparë që mbeturinat të mblidhen çdo ditë pas orës 15:00, ndërsa gjatë fundjavave dhe festave shtetërore mbledhja/grumbullimi kryhet pas orës 19:00.
Megjithatë, duhet të merren parasysh kushtet klimatike dhe ndalesat e trafikut të vendosura nga institucionet kompetente. Më 11.01.2026, për shkak të reshjeve të borës dhe rrugëve jo të qasshme, kishte ndalim qarkullimi për kamionët dhe nuk kishte qasje deri te lokacioni. Më 12.01.2026, kamioni mund të arrinte në lokacion vetëm pas orës 15:00.
Duke pasur parasysh situatën e krijuar, rreth orës 13:00 të së njëjtës ditë, ekipi ynë me kamionin special u përpoq të ngjitej, por për shkak të trafikut të rënduar dhe rrugës së pakalueshme për në vend, policia ndaloi ekipin dhe kamionin dhe e udhëzoi të parkojë në lokacionin e ndërmarrjes Rrugët e Maqedonisë, ku u ekipi qëndroi për më shumë se 2 orë në vend.
Kjo do të thotë se ekipi i Saubermacher Tetovë arriti në lokacion pas orës 15:00, dhe të gjithë kontejnerët u zbrazën, respektivisht lokacioni u pastrua plotësisht. Bashkangjitur dërgojmë fotografi të situatës para dhe pas zbrazjes dhe pastrimit të lokacionit.
Theksojmë se gjatë periudhës dimërore mbeturinat mblidhen çdo ditë pas orës 15:00, ndërsa gjatë fundjavave dhe festave pas orës 19:00.
Gjithashtu, apelojmë për kujdes gjatë hedhjes së mbeturinave, veçanërisht kur kontejnerët janë të mbushur, që të mos lihen mbeturina rreth ose pranë kontejnerëve, dhe që të mos parkohet para ose rreth kontejnerëve për të mos bllokuar qasjen.
Faleminderit për mirëkuptimin dhe për respektimin e rregullave të trafikut për funksionim të pandërprerë dhe të rregullt të shërbimit komunal
