Ministrja e Arsimit, Vesna Janevska, prezantoi në Qeveri draft-tekstin e Strategjisë së re për arsimin, që do të implementohet nga viti 2026 deri në 2032, si dhe planin aksional për dy vitet e ardhshme. Dokumentet janë përgatitur me mbështetje nga institucione ndërkombëtare si Banka Botërore, UNICEF, UNDP dhe GIZ.
Janevska tha se prioritet për gjashtë vitet e ardhshme do të jetë modernizimi i programeve arsimore, duke përfshirë teknologjinë e re dhe inteligjencën artificiale.
“Fokus të veçantë vendosim te zhvillimi i programeve të reja për arsimin parashkollor, inkluzion në arsimin fillor dhe të mesëm, infrastruktura ku moment kyç është optimizimi i rrjetit shkollor dhe aplikimin e punës në një ndërrim. Pason aplikimi i konceptit të ri për gjimnazet dhe arsimin e mesëm profesional, model të ri të maturës shtetërore. Theksin e vëmë edhe te arsimi jo formal, si koncept për mësim tërë jetën, aplikimin e formulave të reja për financimin e arsimit fillor dhe të mesëm, rregullativë të re ligjore për arsimin e lartë që ishe e domosdoshme dhe kualiteti i arsimit të lartë, zhvillim të kapaciteteve kadrovike të Ministrisë së Arsimit dhe elemente tjera të shumta.”, – deklaroi ministrja e Arsimit, Vesna Janevska.
Sipas përfaqësuesve të Bankës Botërore, por edhe ato të UNDP-së, Unicefit, apo ambasadës gjermane, është shumë me rëndësi që të rinjtë të jenë të gatshëm të përballen me sfidat e reja, siç janë ndryshimet klimatike, por edhe të jenë të përgatitura për tregun e punës.
“Qëllimi ynë i përbashkët ishte të krijojmë kornizë që do të krijojë forcë pune, në përputhje me nevojat e tregut nacional të punës, por edhe kompetent në nivel ndërkombëtar.”, – theksoi përfaqësuesja e Bankës Botërore.
“E dimë se vetëm 46% e fëmijëve në Maqedoninë e Veriut marrin pjesë në arsimimin e hershëm, derisa qëllimi i BE-së është të përfshihen 96% e fëmijëve. Zgjerimi i qasjes së drejtë patjetër të jetë prioritet kyç i strategjisë së re.”, – u shpreh Lesli Miller nga UNICEF-i.
“Qëllimi ynë i paraqitur është të ndihmojmë në krijimin e sistemit arsimor në Maqedoninë e Veriut, i cili është inkluziv, i orientuar drejt ardhmërisë, I harmonizuar me prioritetet zhvillimore nacionale.”, – deklaroi Armen Grigorian nga UNDP.
“Gjermania me krenari kontribuon në avancimin e arsimit në Maqedoninë e Veriut nëpërmjet disa nismave kyçe, me fokus në arsimin demokratik inkluziv, si dhe zhvillimin e arsimit profesional.”, – theksoi ambasadorja e Gjermanisë, Petra Dreksler.
Ky draft-version është përgatitur brenda gjashtë muajsh, ndërsa pritet të publikohet edhe në Regjistrin Elektronik Kombëtar të Rregulloreve, me qëllim që të gjitha palët e interesuara të japin propozimet e tyre dhe të kontribuojnë në miratimin e dokumentit final strategjik.
