Shkëmbimi i përvojave dhe praktikave pozitive me vendet e Evropës dhe të botës ka një rëndësi të madhe për ne në këtë drejtim, dhe për këtë arsye gëzohemi që po bëhemi vend anëtar i Agjencisë Evropiane për Nevoja të Veçanta dhe Arsim Gjithëpërfshirës (EASNIE).
Këtë e theksoi ministrja e Arsimit dhe Shkencës, Prof. Dr. Vesna Janevska, në takimin me Zhoao Kosta, drejtor i EASNIE-së, dhe Ruta Svarinskaite, të cilët këto ditë janë për vizitë në vendin tonë.
– Punojmë vazhdimisht për rritjen e gjithëpërfshirjes së sistemit arsimor, sepse çdo fëmijë duhet të ketë qasje të barabartë në arsim cilësor dhe të marrë mundësinë për të arritur potencialin e tij të plotë, pavarësisht nga kompleksiteti i nevojave të veçanta arsimore.
Kemi çfarë të ndajmë, pasi veçanërisht në vitet e fundit janë bërë hapa të mëdhenj përpara në ndërtimin e shoqërisë gjithëpërfshirëse, por si vend në zhvillim do të vazhdojmë gjithashtu t’i ndjekim me kujdes trendet që i imponojnë vendet e zhvilluara, theksoi Janevska në takim. Agjencia Evropiane për Nevoja të Veçanta dhe Arsim Gjithëpërfshirës është organizatë e pavarur që vepron si platformë bashkëpunimi ndërmjet vendeve anëtare, me qëllim sigurimin e sistemeve arsimore më gjithëpërfshirëse.
Agjencia është i vetmi organ evropian që financohet nga vendet e saj anëtare me mision të qartë për t’i ndihmuar ato të avancojnë cilësinë dhe efikasitetin e arsimit gjithëpërfshirës për të gjithë nxënësit, përkatësisht, EASNIE bashkëfinancohet nga ministritë e arsimit të vendeve anëtare dhe nga Komisioni Evropian përmes një granti operacional në kuadër të programit Erasmus+.
MASH: Po e përforcojmë gjithëpërfshirjen me anëtarësimin në Agjencinë Evropiane për Nevoja të Veçanta dhe Arsim Gjithëpërfshirës
