Inspektorati Shtetëror i Tregut dhe Qeveria përmes faturave shohin se disa nga marketet rrisin çmimet e frutave, perimeve dhe produkteve të tjera ushqimore pa lidhje me tregun. Por, derisa të gjendet dikush që ta denoncojë shkeljen e Ligjit për parandalimin e praktikave të padrejta tregtare, marketet do të mund të rregullojnë çmimet për të fituar sa më shumë, që në fund e paguajnë drejtpërdrejt qytetarët.
“Për fat të keq, deri tani kemi vetëm indikacione, askush nuk dëshiron të dëshmojë. Kur dikush do të dëshmojë, do të na bëhet shumë më e thjeshtë në pjesën e hetimit. Prandaj, unë bëj apel tek të gjithë tregtarët, tek të gjithë prodhuesit, që kjo praktikë të padrejta tregtare, që e bëjnë disa nga marketet, përmes disa shërbimeve të marketingut, studimit të tregut dhe të ngjashme, që të ngarkojnë disa margjina, të cilat më pas, në fund të ditës, qytetarët i paguajnë përmes çmimeve të produkteve. Ju ftoj, ju lutem, ndihmoni për të ndihmuar”, tha Hristijan Mickoski.
Mickoski thotë se në terren janë dalë Inspektorati Shtetëror i Tregut dhe Komisioni për Mbrojtjen e Konkurrencës me kontrolle të përforcuara. Sipas kryeministrit, gjoba simbolike prej 50.000 euro për katër marketet për bashkim në kartel është paralajmërim për ta dhe thotë se gjatë muajve të ardhshëm do të kontrollojnë më fuqishëm këto markete dhe nëse nuk përmirësohen, do të ndërmerren masa serioze. Ai nuk ka paralajmëruar masa të reja për uljen e inflacionit.
“Analizojmë të gjitha aspektet, por çdo ndërhyrje do të thotë vetëm transferim në muajt e tjerë. Përvoja e ka treguar këtë. Po, ndoshta atë muaj do të kemi çmime më të lira të artikujve, por tregtarët pastaj i transferojnë ato në muajt e ardhshëm dhe në fund çmimi neto që paguajnë qytetarët është më i lartë”, deklaroi Mickoski.
Sipas Entit Shtetëror të Statistikave, në nëntor inflacioni bazik, pra ai inflacion ku nuk përfshihen çmimet e energjisë dhe ushqimit, pas uljes dy-mujore, pati një rritje të vogël prej 0,4 përqind, që tregon se ende ka presione sistemike mbi rritjen e çmimeve.
