Përmes një videoje emocionale në rrjetet sociale, legjenda braziliane, Marcelo ka njoftuar se e ka mbyllur karrierën si futbollit.
36 vjeçari ishte larguar nga Fluminense në fund të vitit 2024 pasi kishte përfunduar kontrata e tij.
“Dashuria ime për futbollit vjen nga gjyshi im. Ai dëshironte që unë të bëhesha profesionist dhe unë bëra gjithçka që munda për ta arritur këtë. Kur isha 18 vjeç, Real Madridi trokiti në dyert e mia dhe unë shkova atje. Mund të them se jam më shumë se një madrilen”, theksoi fillimisht mbrojtësi i majtë.
“Me gruan time e nisa ndërtimin e fmailjes këtu. 16 sezone, 25 trofe, pesë Liga të Kampionëve, njëri prej kapitenëve dhe shumë net magjike në Bernabeu. Real Madridi është klub unik. Madridizmi është një ndjenjë e papërshkrueshme”, shtoi ai.
“Duke luajtur për vendin tim që kur isha i ri ishte një nder i madh. Mund t’i kujtoj dy medaljet olimpike dhe Kupën e Konfederatës”, nënvizoi Marcelo.
“Historia ime merr fund këtu si lojtar, por kam ende se çka t’i jap shumë futbollit”, përfundoi njëri prej mbrojtësve të majtë më të mirë në histori të futbollit.
Marcelo i zhvilloi 546 ndeshje me Real Madridin duke i realizuar 38 gola dhe duke i bërë 83 asistime.
Ai ishte pesë herë pjesë e ekipit të vitit, e fitoi pesë herë Ligën e Kampionëve, ishte kampion spanjoll gjashtë herë dhe e fitoi katër herë Botërorin e Klubeve.
Ndër të tjera, e kishte fituar pesë herë Superkupën e Spanjës, tri herë Superkupën Evropiane dhe dy herë Copa del Rey.
Ai u largua nga “Santiago Bernabeu” në vitin 2023 pas 16 vjetësh, ndërsa shkoi në Olympiacos, ku i zhvilloi vetëm 10 ndeshje, për t’u rikthyer në Fluminense, ku edhe e mbylli karrierën, aty ku e kishte nisur.
Marcelo e fitoi Copa Libertadores me ekipin kariok në vitin e kaluar.
Luajti për Kombëtaren e Brazilit 58 herë, duke marrë pjesë në dy Kupa të Botës (2014 e 2018), por edhe në dy Olimpiada (2008 e 2012), si dhe në Kupën e Konfederatës në vitin 2013.
