“ONE Maqedoni” mori licencë për spektrin radio-frekuencor 5G nga Agjencia për Komunikime Elektronike dhe zyrtarisht do të operojë si operatori i tretë mobil në vend, përcjell TV21. Fillimisht do të nisë punën në territorin e Shkupit dhe do të shfrytëzojë rrjetin e dy operatorëve ekzistues derisa të ndërtojë rrjetin e vet.
Drejtori i AEK-ut, Jeton Akiku, ua dorëzoi miratimet që ndahen përmes tenderit Pal Zarandit, kryetarit të bordit të drejtorëve të “One Maqedoni” dhe drejtor për strategji në Grupacionin 4iG, Brane Gjuroviqit, drejtor ekzekutiv i “One Maqedonia”, si dhe Gabor Altmanit, zëvendësdrejtor ekzekutiv në kompani.
