Kisha Ortodokse Maqedonase feston kujtimin e mbrojtësit të saj Shën Klementit të Ohrit – Mrekullibërësit, më i famshmi midis shumë nxënësve të Vëllezërve të Shenjtë Kiril dhe Metodi.
Ditën e Emrit e festojnë: Klementi, Klime, Klimentina…
Kisha Ortodokse Maqedonase feston me vëmendje të veçantë, por edhe me krenari kujtimin e mbrojtësit të saj Shën Klementit të Ohrit – Mrekullibërësit. Kryepeshkopi i parë maqedonas dhe njëkohësisht krijuesi i shkollës letrare të Ohrit, e cila njihet gjerësisht, është shkrimtari dhe pedagogu më i rëndësishëm mesjetar maqedonas. Me aktivitetin dhe punën e tij në shumë fusha (kishtare, arsimore, letrare, etj.), ai u bë një meritor jo vetëm për popullin maqedonas, por edhe për të gjithë botën e krishterë.
Kryetari i Kuvendit të Maqedonisë së Veriut, Afrim Gashi sot ka uruar qytetarët për 8 dhjetorin – Ditën e Shën Klimentit të Ohrit.
“Në emër të Kuvendit të Republikës së Maqedonisë së Veriut dhe në emrin tim personal, Ju shpreh urimet e mia më të sinqerta me rastin e 8 Dhjetorit – Ditës së Shën Klimentit të Ohrit.
Vepra e Shën Klimentit të Ohrit paraqet themelin e edukimit, arsimit dhe kulturës shpirtërore të popullit maqedonas. Trashëgimia e tij është vlerë universale që i tejkalon kufijtë fetarë dhe etnikë dhe është simboli i dijes dhe progresit.
