Pas tensioneve në Lindjen e Mesme, Presidentja Siljanovska-Davkova thirri mbledhje të Këshillit të Sigurisë, për situatën e sigurisë në vend. Maqedonia e Veriut e ka bërë të qartë se qëndron krah Shteteve të Bashkuara. Ndërkohë edhe opozita sot ishte në një vijë me pushtetin në këtë drejtim. Kreu i LSDM-së Venko Filipçe ndërhyrjen e SHBA-së në Iran e cilësoi si të arsyeshme. Megjithatë Filipçe tha se partnerët ndërkombëtarë duhet ta dinë se pushteti në Maqedoninë e Veriut është me karakteristika autoritare, ngjashëm si Venezuela e Irani.
“Është mirë të thuhet se SHBA si partner i yni strategjik duhet ta di se këtu në vendin tonë ka pushtet me karakteristika shumë të ngjashme me regjimet autoritare me të cilët ata përballen . Kemi pushtet dhe kryeministër që e çon vendin në izolim….. Ky pushtet ka kontakte të hapura me Putinin përmes kontakteve të zv kryeministrit me të ashtuquajturit ‘Ujqërit e Natës’. Kini kujdes, njeriu i dytë i Qeverisë nuk i fsheh kontaktet me ‘Ujqërit e Natës’ njerëz të afërt me presidentin rus Putin,” deklaroi Venko Filipçe, Kryetar i LSDM-së.
Kundërpërgjigjen nga VMRO-DPMNE duke theksuar se Filipçe ka humbur kontaktin me realitetin, duke harruar se plot 7 vite ishte në pushtet.
“Në Filipçe thotë se Maqedonia është si Irani, a e merr parasysh faktin se LSDM ishte në pushtet 7 vite, ndërsa bashkë me qeverinë teknike 9, a do të thotë se Zaev është Ajatollah ndërsa Filipçe njeriu i parë i tij”, thonë ng VMRO-DPMNE.
Një ditë më parë ministri i Jashtëm Timço Mucunski theksoi se Maqedonia e Veriut mbështet aleatët amerikanë në përballjen e kërcënimeve destabilizuese në Lindjen e Mesme. Mbështetje shfaqen edhe Shqipëria e Kosova dhe shumë vende të tjera të botës. /alsat.mk
