Manchester City ka triumfuar me rezultat 2-1 ndaj Real Madridit në një ndeshje spektakolare të Ligës së Kampionëve, duke siguruar tre pikë shumë të rëndësishme për renditjen e grupit.
Real Madridi ishte i pari që e zhbllokoi ndeshjen, kur Rodrygo shënoi në minutën e 28-të, duke i dhënë epërsinë Los Blancos.
Por reagimi i Cityt erdhi shpejt dhe me vendosmëri:
O’Reilly (35′) barazoi sfidën e Erling Haaland (43′) e ktheu përmbys ndeshjen, duke shënuar me penallti dhe duke vulosur rezultatin përfundimtar që në pjesën e parë.
Në fraksionin e dytë të lojës, të dy skuadrat krijuan raste, por City administroi mirë avantazhin dhe nuk lejoi Realin të rikthehej në lojë.
Me këtë fitore të madhe, Manchester City ngjitet në vendin e 4-t me 13 pikë, duke forcuar pozitat për kualifikim.
Ndërkohë, Real Madridi zbret në vendin e 7-të me 12 pikë, duke humbur terren në garën e grupit.
Një fitore e madhe për kampionët anglezë dhe një goditje për madrilenët, që tani e kanë presionin më të madh.
