Nesër (e diel) do të mbahen zgjedhjet e drejtpërdrejta brendapartiake për Kryetar të LSDM-së që ishin anuluar për shkak të tragjedisë në Koçan.
Socialdemokratët thonë se janë partia e vetme që Kryetari e zgjedh përmes zgjedhjeve të drejtpërdrejta brendapartiake.
“Zgjedhjet do të mbahen në organizatat komunale të LSDM-së gjithandej vendit, në 78 vendvotime, të cilët në ditën e votimeve do të jenë të hapur nga 08.00 – 20.00. Komisioni Qendror Zgjedhor ka konfirmuar dhe ka mbyllur Listën Zgjedhore, ku aktivisht janë regjistruar 23.712 anëtarë, është siguruar materiali zgjedhor, paravanë për fshehtësinë e votës, kutitë zgjedhore, shenjat dhe gjithçka që duhet për ditën zgjedhore”, thonë nga LSDM-ja.
Votimi i të sëmurve dhe të pafuqishëve zhvillohet të shtunën më 05 prill.
“Të gjitha informacionet, vendimet, rregulloret, afatet dhe dokumentet tjera që lidhen me zgjedhjet brendapartiake për Kryetar të LSDM-së janë të kapshme në ueb-faqen e LSDM-së ose në linkun https://sdsm.org.mk/direktni-vnatrepartiski-izbori-2025”, thuhet në komunikatën e LSDM-së duke shtuar se kompetente për zbatimin e zgjedhjeve është Komisioni Qendror Zgjedhor.
Sipas LSDM-së, njoftimet për rezultatet do të bëhen publike të dielën pas përfundimit të procesit votues.
