LSDM-ja opozitare përmes një kumtesë për media thotë se “rasti i fundit i vrasjes së grave në Veles ka treguar paaftësinë e plotë të qeverisë për të siguruar mbrojtjen e gjësë më të rëndësishme – jetës njerëzore”.
Nga kjo parti kërkojnë përgjegjësi politike dhe penale për të gjitha dështimet e institucioneve.
“Ministri Pançe Toshkovski duhet të japë dorëheqjen menjëherë sepse ka dëshmuar se është i paaftë për të garantuar sigurinë dhe mbrojtjen e qytetarëve, veçanërisht grave dhe fëmijëve. Në vend të një institucioni që duhet të mbrojë jetët e njerëzve, Toshkovski e ka shndërruar Ministrinë e Brendshme në një shërbim partiak që mbron interesat e qeverisë dhe interesat e biznesit të VMRO-DPMNE-së”, thonë nga LSDM.
